Odoo é un sistema de xestión de recursos empresariais (ou ERP) completo, de código aberto, e que cobre todas as necesidades dunha pequena, mediana ou gran empresa. Abarca as áreas de compras e vendas, CRM, contabilidade e finanzas, recursos humanos, xestión de almacéns, xestión de coñecemento, desenvolvemento de proxectos, e moitas máis.

Como solución modular, permite unha fácil escalabilidade, estendendo a súa funcionalidade mediante un repositorio completo de módulos deseñados para cubrir diferentes áreas en calquera tipo de negocio.

Como solución fundamentada en software libre, resulta moi sinxelo adaptar totalmente o ERP ás necesidades e particularidades de calquera empresa, xa que permite desenvolver módulos adaptados especificamente para cada tipo de negocio dunha forma moito máis económica en comparación a outras solucións. Ademais, o feito de ser software libre fai que diminúa o custo de implantación, debido a que non é necesario pagar licenzas polo seu uso, e proporciona ao cliente independencia tecnolóxica.

O principal beneficio é o aforro económicoa medio-longo prazo. Unha boa xestión dos procesos e recursos empresariais proporciona aforro, e a implantación de Odoo garante unha xestión máis eficiente de todos eses procesos e recursos.

Proporciona integración e estandarización dos métodos de traballo, aumentando a capacidade para adoptar mellores práxis dentro da empresa. Esta faceta é particularmente importante naquelas empresas ou negocios que necesitan cumprir determinados estándares ou normativas de calidade, tanto nacionais como internacionais.